創辦人分享：Herbs'Oil 五款最愛護膚&育髮產品！

Hello，我哋係Vriko&Tata。一直以來，我哋面對唔同嘅頭髮皮膚問題，所以我哋深信高效、潔淨嘅產品唔單止可以改善外表，更可以提升自信同自我價值感。只有對自己身體好，好好照顧自己皮膚同髮絲，先可以真正感到快樂同自信。希望Herbs’Oil嘅產品令你學懂愛自己，同時享受護膚同育髮嘅過程。When you’re comfortable with yourself, you can thrive!

作為Herbs'Oil 創辦人，我哋對每件產品都有深厚感情，每一款產品都用心研發，對產品製作每一個細節更係非常重視，希望提供最好嘅體驗比客人。Herbs’Oil品牌承諾及保證：所有產品絕無動物測試，亦100%不含任何有害化學物。

今日就同大家分享5款我哋最愛、客人feedback最好嘅護膚同育髮產品啦！

第一位：潔淨育髮 －Nourwish® 重生洗頭水

重生洗頭水推出7個年頭，一直係店內最受歡迎嘅皇牌產品，幫助超過7,000位客人改善頭髮問題，用家滿意度達到94%！上至頭油、頭皮、頭痕，下至各種脫髮，都有顯著改善效果。

重生洗頭水擁有一種深層潔淨頭皮嘅強大能力，帶走所有污垢同油脂，但唔會令頭皮乾燥或者緊繃。洗頭時建議輕輕用指尖按摩頭皮，你會感覺到搓起嘅泡沫豐盈細膩，帶走咗一日工作疲勞，留低清新草本雲呢拿香氣。

除咗潔淨功效，重生洗頭水更有育髮效果。含有多種草本植物精華，滋養頭髮，促進頭髮生長，同時減少脫髮問題。唔單止清潔頭皮，更可改善頭質，令頭髮更健康同更有光澤。

第二位：高效保濕 －SOS Booster 零秒深層保濕精華

SOS Booster 零秒深層保濕精華就係Herbs‘Oil皇牌護膚產品。呢支精華為皮膚提供每日必須嘅深層保濕。佢含有多種保濕成分，專利Skinationship 護膚配方，蘊含納米透明質酸 Nano-hyaluronic Acid 成分，配合酵素分解技術，令保濕分子更快速滲透至肌膚底層，即時為皮膚補充水分，改善皮膚乾燥、緊繃狀態。

質地輕盈，好容易吸收，唔會留低油膩感覺。推薦大家使用toner後，取1-2滴SOS serum，用手指頭喺面上輕拍，比精華做到更好嘅吸收。用完之後，皮膚感覺好滋潤同柔軟，即時飲飽水，隨之而來有一種健康光澤。最重要係一年4季都用得，轉季嘅保濕效果依然卓越！有客人甚至已經用咗12支呢！

第三位：抗氧修護－全效抗氧修復面膜

全效抗氧修復面膜，可以話係護膚程序嘅must have，最鍾意佢日日都用得，輕鬆做到抗氧同日常修護，keep住肌感光澤有彈性。佢以古樸阿蘇果油、澳洲堅果籽油及神經醯胺作基礎，有助強化肌膚屏障，同時提供舒適柔軟、易塗抹的乳霜質感。配合雨生紅球藻萃取，成分含豐富蝦青素 — 一款天然強效抗氧化劑，有效為皮膚對抗紫外線自由基侵害，達至高效肌膚修復，讓肌膚重拾健康光感。可以幫助皮膚對抗自由基嘅傷害，同時修復已經受損嘅皮膚細胞。

使用方法同其他wash off面膜差唔多，清潔皮膚後將面膜平均搽喺面上，等待15分鐘再清洗乾淨。使用後，皮膚感覺好fresh，有一種由內而外嘅光澤同彈性。

第四位：極速抗敏降紅－SOS Booster 保濕抗汚面膜

SOS Booster 保濕抗污面膜 －顧名思義有超強急救皮膚功能。當皮膚轉季敏感或者大熱天去完跑步，出現曬後皮膚泛紅，只需一片，即時將皮膚狀況穩定。

面膜以獨特精華配方研製而成 ，貼面剪裁令精華快速被皮膚吸收，高效保濕、收毛孔，幫助鎮靜皮膚及降紅，一片蘊含25 ml精華，使用後效果媲美美容院保濕Facial Treatment。而且溫和配方，有效幫助皮膚抗氧化，敏感肌，痘痘肌都一樣適用。

第五位：滋潤淡紋：魚子B5眼霜

最後一位就係不能沒有佢嘅 －魚子B5眼霜。眼部皮膚係面部最薄最敏感嘅部份，需要特別護理。呢支眼霜配合夏威夷果油、金盞花萃取及綠茶萃取等具舒緩鎮靜及抗氧化功效修護配方，提供滋潤保濕、紓緩鎮靜作用同時，更有效修護受損肌膚，撫平細紋、淡化黑眼圈、回復肌膚彈性，令眼部肌膚重拾年輕活力。魚子B5眼霜質感輕盈透薄，除咗適用於早晚護膚程序，更可作妝前眼霜使用，剛剛好嘅滋潤讓眼周不再出現卡粉、浮粉情況。

質地滋潤但非常清爽，絕對係零負擔，適合所有皮膚使用。每晚潔面後，輕輕塗抹喺眼周，然後用手指輕輕按摩，直到完全吸收。使用後，眼周肌膚感覺好滋潤，而且細紋同黑眼圈都會有明顯改善。