Herbs’ Oil Blog

各類護膚知識 皮膚問題解答

咩係膠原蛋白?點解對皮膚咁重要?

膠原蛋白經常都會喺抗衰老產品成份見到,但究竟有咩作用呢?對皮膚有咩影響呢? 對於皮膚同抗衰老方面,膠原蛋白係保持皮膚彈性嘅蛋白質。當皮膚失去膠原蛋白,就會令皮膚容易下垂、出現皺紋、脫水同鬆弛。隨住年紀嘅增長,呢啲係正常出現嘅情況。實際上,由21歲開始每年會損失1%嘅膠原蛋白。 留意,係21歲唔係51歲。最重要嘅係,其實污染同紫外線等環境因素都會進一步消耗皮膚膠原蛋白嘅含量。 然後你就會諗:「好啦,咁我用含有膠原蛋白成份嘅產品咪得囉。」但並唔係所有膠原蛋都可以幫皮膚回復彈性。不過好消息係,有很多成分都可以幫助促進皮膚膠原蛋白嘅產生,例如維他命C同白羽扇豆萃取都係可以增加膠原蛋白嘅高質成份。 維他命C 維他命C係一種強大嘅抗氧化劑,係皮膚入面膠原蛋白合成嘅重要因素。維他命C已經被證實可以穩定膠原蛋白嘅產生同增加膠原蛋白嘅合成,從而幫助修復受損肌膚。而且維他命C對光損傷周皮膚色素沉著嘅幫助好明顯。Anti-Aging Beauty Oil當中含有豐富嘅維他命C同高質嘅天然油脂,對滋潤膠原蛋白有好大嘅幫助,仲可以提亮膚色同平衡油脂。 白羽扇豆萃取 白羽扇豆萃取有助於抑制MMP嘅過程,同大大減少膠原蛋白、彈性蛋白嘅分解,而且有助於更新皮膚外層,減少同淡化細紋、皺紋嘅出現,令皮膚睇落更加年輕。新產品Radiance and Firming Concentrate含有白羽扇豆萃取,可以幫助緊緻皮膚同增加膠原蛋白嘅增生。 但係千祈唔好唔記得,無論點防曬產品都一定要搽,咁先可以真正保護皮膚唔會因為環境因素而導致膠原蛋白損失,令我哋擁有健康、年輕嘅皮膚。

平時使用護膚品應該用係乾皮膚定微濕皮膚上面?

首先,當我地講護膚品要用係濕皮膚上面個陣,意思係指潔面後皮膚微濕或者仲有少少水氣嘅時候,並唔係完全濕透嘅肌膚。平時沖完涼或者潔面之後,可以比大約5分鐘時間皮膚慢慢乾,直至變成微濕嘅狀態。或者可以照用毛巾輕輕抹臉(記得要確保你條毛巾乾淨同埋定期2-3日清潔一次),然後搽護膚品之前再用爽膚水幫皮膚補充水份。 講到呢度,咁究竟點解呢?係咪所有護膚品都係要咁用? 點解日常護膚前要先保持皮膚微濕呢?其實我哋嘅肌膚就好似海綿咁。如果海綿本身係濕濕地,佢會比完全乾嘅海綿更加吸水。換言之,皮膚微濕嘅時候,肌膚滲透力會更加高,變相護膚品都會吸收得咁好。所以,用呢個方法會令日常護膚品嘅功效更大發揮係你皮膚上面,你會發現用呢個方法同喺完全乾透嘅皮膚上效果係好唔同。無論係爽膚水、精華、乳液甚至油類產品都非常適用。 但都有例外嘅,因為防曬需要係皮膚上面形成一層保護層,所以最好用係完全乾燥嘅皮膚上面或者等其他產品完全吸收曬之後使用。另外,若果係醫療處方嘅護膚產品,好似維生素A或痤瘡藥物,由於呢啲產品有可能會刺激肌膚,發紅或者脫皮,所以皮膚乾燥嘅時候用會更加容易穩定皮膚。另外好似AHA/ BHA呢類產品,就建議跟返生產商或者醫生建議的使用方法。 Herbs'Oil小提示 除咗臉部護膚品外,身體嘅潤膚霜或者潤膚油都可以趁皮膚微濕個陣使用,身體嘅皮膚保養都係好重要,千祈唔好忽視啊,下次再同大家分享更多護膚資訊。

皮膚膚質同皮膚狀況有咩分別?

你係屬於咩膚質? 相信好多人都曾經睇過一啲教你搵自己屬於咩膚質嘅文章,但係咪都會覺得混亂呢?因為有時候突然皮膚好乾,有時又覺得好油,甚至無啦啦仲會出現敏感嘅情況, 結果最後都搞唔清自己係咩膚質。不過唔緊要,你可以先了解膚質同皮膚狀況究竟有咩唔同先。 咩係皮膚膚質? 你嘅膚質係天生嘅,佢係根據皮膚分泌嘅天然油脂量而對唔同皮膚進行分類嘅一種方法,而且會隨住時間慢慢變得穩定。 咩係皮膚狀況? 而皮膚狀況係暫時嘅,只要做返正確嘅皮膚護理就可以改善。隨住時間改變,皮膚有機會因為天氣,飲食,日常護理,激素,壓力等等嘅因素而出現唔同嘅變化,有時可能係出現一種皮膚狀況,但有時候都有機會一次過發生多種狀況。 要記住,任何膚質都有可能出現呢啲狀況,因此即使是油性皮膚都有機會脫水或者變得敏感,所以了解自己嘅皮膚係非常重要,咁樣你先可以了解點解係出現皮膚狀況嘅時候去舒緩同改善。當你愛你自己嘅皮膚,你嘅皮膚就會愛你!

護膚迷思 勤力啲清潔皮膚真係能夠解決暗瘡問題?

無錯,皮膚如果有過多嘅污垢同油餘的確會令皮膚容易出暗瘡,所以聽落多啲洗面可以解決暗瘡問題好似好合理咁。 如果真係咁容易就好啦,仲邊有暗瘡肌嘅問題。 首先我地要了解暗瘡嘅 4個主要成因: 1. 肌膚過度出油 2. 細菌增生 3. 皮膚發炎 4. 黑頭、粉刺積聚 清潔的確可能有助減少皮膚嘅出油情況同細菌增生。但係,太頻繁、過度清潔或使用刺激性成份嘅潔面產品有可能令以上四個因素更嚴重。主要原因係過度清潔有機會令肌膚嘅天然屏障被削弱,令皮膚容易乾燥同埋敏感。 盡量要遠離含有SLS嘅泡沫洗面產品,而日常護理只要用溫和洗面產品或Surfactants潔面就足夠,能夠平衡油脂,令到皮膚唔會太乾或過度出油,減低暗瘡出現嘅機會。

毛孔真係會根據溫度而收縮、擴張?

毛孔幾時會擴張? 幾時會收細? 呢個講法已經存在咗好長時間。簡單黎講就係皮膚如果遇熱就會令毛孔擴張,而當皮膚遇冷就會令毛孔收細,而好多人都將呢個講法應用係唔同產品同護膚既基礎上面。 豎毛肌 究竟呢種講法係點解會出現呢? 其實主要係源於肌肉(圖示4)既運作模式,高溫能夠令肌肉放鬆,而低溫就可以令肌肉收緊。我地皮膚下的確係有肌肉,好似冬天起嘅雞皮就係肌肉,而呢啲肌肉就會統稱為「豎毛肌Arrector Pili Muscles」。 但係,肌肉係控制唔到毛孔既擴張同縮小,因為毛孔只係皮膚上既一個細窿。 無錯,如果用溫和既暖水或者蒸氣等等的確可以令皮膚既油脂更加容易由毛孔排出,而適當溫度既凍水亦可以有助鎮靜皮膚。但太凍或者太熱既水反而會過分刺激,容易令皮膚出現敏感既情況。所以大家係護膚既時候都要注意呢啲小細節,否則唔單止對皮膚無幫助仲有可能傷害皮膚。

Skin care myth debunked! Cleansing skin more can help with acne

It is true that excess dirt and oil on your skin can lead to breakouts, so it might seem logical that washing your face more would help get rid of acne. Sorry, if only it were that easy!    There are 4 main causes of acne.  Excess oil production Inflammation Bacterial Overgrowth Comedones   Cleansing [...]

Skincare Myths Debunked! Pores can open and close

Skincare Myths Debunked! Pores can open and close This myth has been around for a very long time! The idea that you can “open” your pores by adding heat and “close” your pores by adding cold has been the basis for countless products and skin care regimens. But no more! Let’s put it to rest.  [...]

護膚品可唔可以冷藏或者雪藏保存?

「迷你美容雪櫃」而家越黎越受歡迎,但點解將護膚品放入雪櫝會keep得好啲呢?咁如果直接凍結呢? 係咪只要我雪起所有護膚品,就可以永遠都用得? 如果你用緊嘅產品含有水(多數產品都係),就應該係雪之前三思。 1.如果產品含有水份,凍結嘅過程會令水分子膨脹並結合在一起。所以,當你將產品解凍個陣就會令水分子發生變化,有機會令產品質地改變。 2.最重要嘅係,水會由產品嘅一邊凍結到另一邊,而水分子會將油分子擠壓在一起,有機會令產品成份分離。 仲有一個問題,凍結或解凍都可能會降低產品中防腐劑嘅功效! 防腐劑需要正確分散係產品中先可以發揮作用,如果產品中嘅水分子係凍結同解凍過程中移動,會有可能影響防腐劑系統導致黴菌或細菌生長。 所以,你可以將產品雪係雪櫃令佢嘅保存期更長,但凍結或者雪藏就可能導致紋理變化,甚至令產品過早失效。 雖然市面上有好多公司都建議使用面膜前先雪藏面膜,但唔建議將皇牌SOS保濕提亮面膜放入冰箱內,以保持成份質素並發揮最佳功效,特別是透明質酸呢個優質成份。

你知唔知油類產品與保濕霜要點用?

隨著天氣開始凍我哋慢慢進入冬季,你可能已經諗緊要點樣令皮膚保持水潤,甚至會嘗試係日常護理中加入油類產品。但係,究竟油同埋保濕產品應該點用呢?而你嘅皮膚又係咪需要兩者同時使用呢? 首先,要知道你皮膚嘅需要,就要先確定你嘅膚質,然後再留意最近有無出現任何皮膚狀況(可以參考呢個連結: LINK)。跟住就講下咩皮膚應該點用保濕霜同油類產品啦。 🌿乾性肌膚 如果你嘅皮膚比較乾燥,特別係冬季你要留意有無出現脫水或者敏感性嘅皮膚狀況。如果呢啲情況發生(或者已經發生緊),可以係朝早用保濕霜,夜晚再用油類產品。但如果你皮膚係超級乾燥肌,你可以考慮朝早用完保濕霜再薄薄印一層油係表面。一定要記住,油永遠都係用係乳液之後因為油類產品會幫你將搽咗嘅保濕同水份緊緊鎖係皮膚入面。乾皮膚嘅朋友可以考慮用SOS Booster Cream同Anti Aging Beauty Oil作為日常護理,特別對乾燥皮膚、敏感同脫水性狀況都好有幫助。 🌿油性肌膚 如果你屬於油性皮膚而且無出現脫水或敏感嘅狀況,恭喜你!自然產生嘅油脂會成為你皮膚一個穩固嘅天然屏障,只需要使用SOS Booster Cream就已經足夠幫皮膚係冬天做好保濕。 🌿中性肌膚 最幸福嘅一種膚質,基本上甚少會遇到任何好似敏感、脫水等嘅皮膚狀況,所以只要用保濕面霜已經無問題,分分鐘油都唔需要,絕對係幸運嘅朋友。 🌿混合型皮膚 如果你面頰嘅位置出現乾紋,建議可以係全臉用完保濕面霜之後再係面頰位置再補一層薄薄嘅油就足夠,或者單用一種成份優質嘅面霜都可以充分為皮膚保濕滋潤。 Herbs'Oil小Tips 使用精華油產品嘅時候,首先要將2-3滴油倒係手掌心搓熱,然後再輕輕印係臉上,千祈唔好直接將油搽係臉,輕輕將油印上先會令皮膚吸收得更好,唔會唔成塊臉睇落好油笠笠,反而係好似散發自然光澤咁。

Dry vs. Dehydrated Skin

Winter is coming! You probably are already all too aware that your skin tends to get dry, flaky and itchy in the cold winter months, but what should you do about it? And do you really need to change your skincare with the seasons? It all depends on whether your skin is dry or dehydrated.  [...]

Leave a Reply

Your email address will not be published. Required fields are marked *